NGELMU KYAI PETRUK

NGELMU KYAI PETRUK
Kuncung ireng pancal putih,
Swarga durung weruh,
Neraka durung waruh,
Mung donya sing aku weruh,
Uripku aja nganti duwe mungsuh.
Ribang bumi ribang nyawa,
Ana beja ana cilaka,
Ana urip ana mati,
Precil mijet wohing ranti,
Seneng mesti susah,
Susah mesti seneng,
Aja seneng nek duwe,
Aja susah nek ora duwe.
Senenge saklentheng susahe sarendheng,
Susah jebule seneng,
Seneng jebule susah,
Sugih durung karuan seneng,
Ora duwe durung karuan susah,
Susah seneng ora bisa disawang,
Bisane mung dirasakake dhewe.
Kapiran kapirun sapi ora nuntun,
Urip aja mung nenuwun,

Baca juga:  SEMAR MESEM


Yen sapimu masuk angin tambanana,
Jamune ulekan lombok,
Bawang uyah lan kecap,
Wetenge wedhakana parutan jahe,
Urip kudu nyambut gawe.
Pipi ngempong bokong,
Iki dhapur sampurnaning wong,
Yen ngelak ngombea,
Yen ngelih mangana,
Yen kesel ngasoa,
Yen ngantuk turua.
Pipi padha pipi,
Bokong padha bokong,
Pipi dudu bokong,
Onde-onde jemblem bakwan,
Urip iku pindha wong njajan,
Kabeh ora bisa dipangan,
Miliha sing bisa kepangan,
Mula elinga dhandhanggulane jajan.
Pipis kopyor sanggupira lunga ngaji,
Le ngaji nyang be jadah,
Gedang goreng iku rewange,
Kepethuk si alu-alu,
Nunggang dangglem nyengkelit lopis,
Utusane tuwan jenang,
Arso mbedhah ing mendhut,
Rame nggennya bandayudha,
Silih ungkih tan ana ngalah sawiji,
Patinira kecucuran.
Ki Daruna Ni Daruni,
Wis ya, aku bali menyang Giri,
Aku iki Kyai Petruk ratuning Merapi,
Lho ratu kok kadi pak tani?,
Sumber: buku Air Kata-Kata, karangan Sindhunata.

Tags: #Semar

Makna Tembang Jawa Sluku Sluku Bathok
“SLUKU SLUKU BATHOK” karya saking SUNAN KALIJOGO SLUKU SLUKU BATHOK BATHOKE ELA ELO
JANGKA JAYABAYA: WOLAK-WALIKING JAMAN
“JANGKA JAYABAYA: WOLAK-WALIKING JAMAN !” Iki tandhane yen wong bakal nemoni wolak-waliking jaman
ILMU LADUNI NABI KHIDIR
Nabi Khidir merupakan Hamba Allah yang sangat khusus, karena beliau adalah salah satu hamba Allah
SERAT JOYOBOYO TENTANG ZAMAN
*SERAT JOYOBOYO* Mbesuk yen wis ono kreto tanpa jaran.. Tanah Jowo kalungan wesi..

Leave a reply "NGELMU KYAI PETRUK"